الحروف والشعر

موضوع: الحروف والشعر الأربعاء مايو 12, 2010 1:40 am

حرف الشين و السين و الصاد

شجني الشـوق بشـرايـنـي شـد شـبكـه شـربتك اشـجـاني
شـلا ً اشـواقـي شـواهـيني شفت رمشه مدري وش ياني
لـو بـشـفـه مـا يـشــافـينـي مـن شـقـايـه شـوفــه يشفاني
لو أشـاكـيـه ويـشــاكـيـنـي او يـشـاركـنـي شـقــا شـانــي
مـا اشـارك فيــه شـاريــني لو بـشـمـس الـكـون يـشـراني
كم شرد قلبي ومشى فيـني شـارد بـشــوقــه وشــرهـانـي
كم شهد حبه ومشى بـيـني بــيــن شــريـانـي و شـريـانـي
شان حالي لو رضى شيني شــقــق احــبــالـي ومـشـانــي

@@@@@@@

يسمـر وعينـه سـبت ناسه ساحـرات ٍ سـود و نـعـاسـي
سرهن يا سـعود بحسـاسه يـوم سـلـهـم سـبـب اتعاسي
حسنه من ساسه لي راسه مسني من ساسي لي راسي
ولبـتسـم سـنه سـنا مـاسه مـن سـناها تسطع احساسي
الحسـن مسـبـي و حراسه آسـرنـهــم ســحـره الـقـاسـي
الـحـسن فـدمـه وانـفـاسـه وهو سفير الـحـسـن يا ناسي
كـل زيـن الـسمـر وقيـاسه من الـعيـون السـود ينـقاسـي
بو سـعيـد النـفس حساسه مـسـها مـن الحـب وسـواسـي
من سبب بو عـيـن نعاسه سـام نـفـسـي أعـلـن إفـلاسي

@@@@@@@

لو وصفتك ما وصفتك ما وصفتك كل وصـف ٍ غير وصـفك مـا صفا لي
لو صفيتك واصطفيتك من صدفتك كان صـرتي صـقر صـيد ٍ واصطفالي
لو صفقتي ما صفقتي ما صرفتك كنت اصونك لجل اصيدك في وصالي
__________________

ميرسى يا قمر على الموضوع الجميل دة مقيم يا عسل

» موقع لـ ’ زخرفـة الحروف ،،